A Dog Wie Jeda Andre Lyrics

A japanische Flotte draußn aufm Meer treibt Hunderttausnd Delphine vor sich her Sie treibns zum Strand, bis zu uns hörst das Schrein Wias eana d´Bäuch aufschlitzn und de Köpf oba Schneidn Bis zu de Knia stehnans im Bluat, s´Wasser brodlt Und dampft S´ganze Meer bäumt se auf in am Todeskampf An Luther hams daschossn, am Reagan gehts guat Da Busch bastlt Bombn un de Welt schaut zua Aba für eam war des a Dog wie jeda andre Da is a aufgstandn um simme in da Friah Er hot se gwaschn und kampet und de Zähn hot a se butzt und danoch is er in d´Arbat spaziert Aufm Buckl ham ses draht, d´Sonn trocknets aus Sie wackln und zappln und eanane Augn reißns raus Mit am Hacke schlogns eana bei lebendigm Leib An Panza auseinanda und sie lachan no dabei Gedärme auf da Strass, kloane Kinda de spuin Und a Tourist der se unbedingt a Kettn kaffa wui He an Luther hams daschossn, am Hussain gehts guat Da Kohl liagt weida und de Welt hört zua Aba für eam war des a Dog wie jeda andre Da is a aufgstandn um simme in da Friah Er hot se gwaschn und kampet und seine Zähn hot Er se butzt und danoch is er in d´Arbat spaziert Motorsägn klappern, Hoiz splittert und kracht Olle zwanzg Sekundn oana und des Dog und Nacht A Gebiet so groß wia Bayern in vierazwanzg Stund Gestan wars a Woid, heit is Wüste und Sand Sechshundert Johr hot er braucht, bis er so groß Gwesn is In a boor Stundn wars a Kastl, zwoa Stühle und a Disch He an Kennedy hams umbrocht, am Papst gehts guat Da Weizäcker vergift uns un de Welt schaut zua Aba für eam war des a Dog wie jeda andre Er is aufgstandn um simme in da Friah Er hot se gwaschn und kampet und seine Zähn hot Er se butzt und danoch is er in d´Arbat spaziert Er kimmt um achte von da Arbat hoam, dreckat und Miad Da Chef hotn gfickt er greift noch seim erstn Bier Er suacht de Kinda und findts, im Kindazimma tot De Gurgl durchgschnittn, s´ganze Zimma war rot Sei Frau hängt im Speicha, de Tochta hängt dabei Er steht fassungslos davor, er konn net amoi Schrein A gloans Schuidl umman Hois, a boor Zeiln hots no Gschriebn Sie hot so Angst vor da Zukunft und sie konn Nimma Lebn Aba für mi war des a Dog wie jeda andre I bin aufgstandn um simme in da Friah I hob mi gwaschn und kampet und meine Zähn hob i Mir butzt und danoch bin i in d´Arbat spaziert Ja für uns olle wars a Dog wie jeda andre Mia san aufgstandn um simme in da Friah Mia ham uns gwaschn und kampet und unsre Zähn Hamma uns butzt und danoch samma in d´Arbat Spaziert