A Mare Bellu Lyrics

Sò parulluce ch'o vulia lascià
Sò cum'è lumerucce chi nimu spinghjerà
Ùn sò chè tratti chi sanu imaginà
Cum'è vechji ritrati chi facenu pensà
Sò campanelle in core à trizinà
Ammansite ribelle à mezu à le cità
Ùn so chè note in aria à musicà
Di quelle chi omu scote nantu à gamme da fà
Rispondenu e brame quand'è tù chjami tù
Carezzenu e mamme ch'ùn pienghinu mai più
E sanu i ritorni e strade pè vultà
Allonganu i ghjorni d'un altru sunnià

À mare bellu
U core à navicà
À mare bellu
Duve elle vulenu andà
À mare bellu
U core à navicà
À mare bellu
E faremu cantà
Sò letterelle chi francanu l'età
Accendenu e stelle chi ti ponu mancà
Ùn so chè traccie ricordi da salvà
È t'aprenu e braccie è ti volenu parlà
Si portanu a vita cun elle à suminà
Po quand'ella capita ti facenu trimà
È sanu di l'amore chi più nimu ti dà
Sin'à l'ultimu flore chi t'accumpagnerà
À mare bellu
U core à navicà
À mare bellu
Duve elle vulenu andà
À mare bellu
U core à navicà
À mare bellu
E faremu cantà