Bitte Frog Mi Ned Lyrics

Bitte frog mi nit wieso i diar das so verzella, viellicht will i s nit andersch ka, und eifach schwach bin im jetziga moment begriifa was i an diar ka han, was miar ätz fäählt, es tuat mr leid hans nit aso wella s hät alles guat usgseh bi üüs 2 und es isch vo afang ah klar gsi, dass ma hald für anand do isch was au immer kunnt und gar nit drüber nochdenkt wias isch wenns hald mol nüm isch ha miar erhofft diar könna z'zeiga, dass i meh als nur a fründ bin abr d ziita gön und lüüt mutiaren, leider isch das so, will do kasch no so viel dra rüttla, abr d hürda blieben schtoh und i ha gottverdammt versuacht dia huara ding izriessa abr leider zeigt dischtanz viel zuoft schlimmi siita am afang denksch es wäri guat wenn ma sich nit zuoft trifft, merksch abr bald dass dischtanz im gfühl vor liabi d luft nint s'isch an qualvolla tod so rein uf gfühlsebeni abr ds härtischta isch gsi, hani s gfühl, eba i hans i mi inagfressa, besser gsait mit sound abagspüalt doch as kunnt immer neu zum vorschii wenni dr sound abatrüll gfühl vo schuld und selbschtmittleid woni sos nid vo miar kenna, dazua träna in da auga, jeda obig voram penna, abr meh beschäftigt mi wias diar ätz goht und was du tuasch, ob scho widr zu diar gfunda häsch, doch es verloht mi mina muat und das scho bi dr vorwahl, i wörf dr hörer uf mis bett gsehn di i gedanka vor miar, wia mi aluagsch und mi hebsch und i arschloch wiis di ab, welli ds gfühl han i heg zwor ziit, abr eba nit für dii, i lega platta uf, loos beats und i gspür wia dini hand vo minera schultera wicht doch anstatt wärmi gspüri nur a ganz a kurza stich, und denn bisch ganga und i lappi hana lääri i miar gschpürt doch der stich der trifft mi jetzt no und zwor härter und viel tüüfer Klar i läb ätz vor mi hi und mach witer, wia bis anhin doch vertwütsch mi oft doch sälb no wiani hoffnigslos dr hart miim nur zum zaiga dassi maa bin abr eigentlich nur draa bin di us minem hiarni z'stricha doch es triebt mi in da wahnsinn dassi di nümma wärd gseh, kani miar usrechna wür epa sälber vor miar flüchta, hetti d fähigkait zum usbrächa doch i waiss au dass du ds beschta us diar machsch und wiitergosch bis zu dem punkt, i jedoch blieba do und schrieb dia wort und bisi der text nit abgfasst han hani nit alles gsait, wasi diar han wella säga, wia zum bispiel s tuat mr laid klar i waiss dass das für di an schwacha troscht isch und i waiss au dass vertraua für dr tod isch abr meh kani nit säga, s tuat mr laid i wür jo gärn i hoffa eifach dass du bald amol troscht findsch am beschta imna typ wo diar meh büta ka als i je könna wärd i hoff eu jedoch niamols zemma z geh, will mi das töta wür viellicht wärs au nur gerecht wenni das mol müasst erfahra wia das isch missachtet z werda, jo genau dia höllaquala wo ma duramacht wenn nit erwidret wiard was ma für eprt fühlt, i glaub so fühlt sich epa müll, i fürchta söttig gfühl langsam muassi lerna söttig schläg könna z verkrafta doch i muass laider scho säga, söttig schläg könn huara krafta i hett eifach nur ai letschta wunsch und dä kunnt ächt vo härza bitte bliib wiad bisch und lohn di nia meh so verletza doch i denk das waisch du sälber und du luagsch zu diar, das sin mini letschta wort, i glaub häsch gnuag vo miar Bitte frog mi nit wieso i diar das so verzella, viellicht will i s nit andersch ka, und eifach schwach bin im jetziga moment begriifa was i an diar ka han, was miar ätz fäählt, es tuat mr leid hans nit aso wella