Dil dhoondta hai phir wahi Lyrics

Dil dhoondta hai, fir wahi fursat ke raat din
baithe rahe tasawwoor-ye-jaana kiye huye

Jaadon ki narm dhoop aur aangan mein lait kar
aankhon pe kheench kar tere aanchal ke saaye ko
aundhe pade rahe kabhi karwat liye huye

Yaa garmiyon ki raat jo purwaiyan chale
thandi safed chaadaron pe jaage der tak
taaron ko dekhte rahe chath par pade huye

Barfilee sardiyon mein kisi bhi pahaad par
waadee mein goonjtee huyi, khamooshiyaan sunein
aankhon mein bheege bheege se lamhe liye huye