D'r Bluatschink Lyrics

1. Wenn spaziera geasch, Vegla singa hearsch,
freusch di, daß so ruhig isch!
Geasch du i d´Natur, suachsch ja Ruhe nur,
weil dia Walt so hektisch isch!
Åb´r auf oamål tuat´s an Tusch´r, und du bisch fåscht hi,
weil då fåhrt di oaner zahma mit d´r Cross-Maschi!

Ref: Då muaß d´r Bluatschink her, då halft siesch går nix mehr,
weil gega den håsch du koa Chance, wenn mit am hårsch!
Då muaß d´r Bluatschink her, då halft siesch går nix mehr,
weil selcha Loitla beißt´r oafåch in da ... Årm!

2. Sitzasch an am Båch, sahsch: "Des isch a Såch -
Fischla schwimma fir und zrugg!"
S´Wåssr hall und klår, du sasch: "Wunderbår -
då sauf i doch glei an Schluck!"
Åb´r, wia di åbibucksch, und s´dir gråd so guat virkinnt,
siesch, daß an dir vorbei a Mords-Trumm Mullsåck schwimmt!

3. Konsumiera tuasch, ålls probiera muasch -
a Mullberg bleibt, des ärgert di!
Åb´r frågsch du die Politik, gibt sie sich gånz schick,
und baut - wurscht wo - an Mullplåtz hin!
Von Mullvermeidung und Mulltrennung red´t nåcha går koaner mehr,
weil so mancher Schlingel war halt gera MULLionär!

4. S´Lechtl isch so schea, viel Leut kehma her,
weil´s des woanders numma geit!
Luaga sich des o und houba a Gaudi dro,
der Wirt, der des nutzt, der isch g´scheid!
Åb´r då geits o heind no Leit, und des isch gånz fatal -
dena g´fållt d´r Lech am beschta als Betonkanal!