Dä Jüngste Daach Lyrics

Friedaach-naach, dat letzte jäle M jeiht langsam us
un die Woch taumelt schwindelich us Ihrem Hamsterrad erus
Hinger Müllem weed et Samsdaach, weed et widder hell
Ich muß he fott un do küss met, entscheid Dich besser schnell

Mr hann jeliehrt, studiert, malooch´, jehorch´ un uns jeböck
Hann vill jedräump, doch domet krisste he vum Jlöck kei Stück
Hann vill ze lang jesponne un nur de Schnüß jeschwaad
Kumm, mir hann ald vill ze lang jewaad

Die Luff is rein , der Tank is voll
et läuf "It's only Rock'n Roll"
Charlie prüjelt uns vürraan mit jedem Schlaach.
Die Middelstriefe schlängele sich
bes Ultimo für Dich un mich
Un dohinger litt nur noch dä jüngste Daach

Noch simmer jung, noch künne mir, noch trommelt unser Hätz
Die eine Chance, mieh jitt et nit, dat es für uns Jesetz
Wer weiß, wie lang mer levve, wann dä Sensemann uns kritt
Un wer von uns schon morje, mem Arsch im Kühlfach litt

Die Luff is rein , der Tank is voll
et läuf "It's only Rock'n Roll"
Charlie prüjelt uns vürraan mit jedem Schlaach.
Die Middelstriefe schlängele sich
bes Ultimo für Dich un mich
Un dohinger litt nur noch dä jüngste Daach

Zum jolde Vlies, zum blaue Meer, zum jröne Jras
wenn ich möd weed, lääch ne Stein op et Jaas
nix zo verliere, als et Jujendbild em Pass
Un wenn dat alles wor, dann hatte mir noch eimol richtisch Spaß..

Die Luff is rein , der Tank is voll
et läuf "It's only Rock'n Roll"
Charlie prüjelt uns vürraan mit jedem Schlaach.
Die Middelstriefe schlängele sich
bes Ultimo für Dich un mich
Un dohinger litt nur noch dä jüngste Daach