El Ridicol Matrimoni Lyrics

ueh giuinòtt fasì ben attensiùn
che voeri cantàv una bèla cansùn
de dùu fradeij chì prèss a Milàn
vùn Batista e l'àlter Giuàn

L'ha incuminciàa el fradèl pirlòta
che 'l ghè parlàva a 'na paisanòta
de statùra pitòst bàssa
l'era larga quàter bràssa

l'era bèla l'era bòna
l'era sàvia sta fiulòna
dèl culùr del làtt e vìn
l'era el tesòr del Giuanìn

e vedarèmm ti oh remulàss
cùn chi l'è te 'ndarètt a spusàss
e vedarèmm ti oh remulàss
cùn chi l'è te 'ndarètt a spusàss

jàn cumbinàa a l'è stàa inscì
de fa 'l spùss in del stèss dì
e jàn invidàa precisamènt
tùtta la pòrta e tùcc i parènt

e jàn mangià de la grànd fàmm
vutànta chili de salàmm
quarànta gaìnn cinquànta capùn
sètt purscèj e vòtt muntùn

e jàn bevùu stì dùu meschìnn
a squàrciagùla brènt de vìn
oh màma mìa sònn bònn pù de buffà
spètti l'ùra de ìndà in lètt a cubbià

ànca lù 'l vedèva l'ùra
de 'ndà in lett cùn la sua sciùra
ma l'era grossa cùme un bò
e de 'l'ùss la passàva no

e finchè rùsa e rùsa bènn
ijnn riessì a rusàla denn
e finchè rùsa e rùsa bènn
ijnn riessì a rusàla denn

l'ha incumincià stò gran dunùn
a tràa foera la scùffia capèl e spilùn
tràa foera la scùffia l'inviàda
ueih! la g'avèva la cràpa pelàda

l'ha incumincàa quiètt quiètt
a tiràss foera tùcc i fassètt
e lùu 'l vusàva vègn chi o fradèll
vedèla in camìsa la pàr un camèll

la g'ha i oecc fùsc fùsc
la g'ha el nàss che 'l tìra i mùsch
e poe la gà 'l stòmich che 'l pàr un teccètt
che per impiendìll che voer un buffèt

la g'ha dòo gàmb ch'i jèn dùu giambùn
sùi dìtt ghe crèss i erbiùn
e per de pù la g'ha i pèe piàtt
la g'ha la pèll cùme quèla de un sciàtt

ma guàrdala bèn me càr fradèll
la g'ha el còo cùme e cùu del purscèll
ma guàrdala bèn a l'è un disàster
la g'ha el còo cùme e cùu del pulàster

e mì credèvi de menà a cà un barcùn
vedèla in camìsa l'è nànca un timùn
ueh giuinòti turnìi indrèe
se g'hi voeja de toè mjèe

poè dèmm a tràa a mìfìi una ròbba precìsa
vardìgg bèn quànd l'è in cam'sa
poè dèmm a tràa a mìfìi una ròbba precìsa
vardìgg bèn quànd l'è in cam'sa

pan pòss pan frèsc
induìna se l'è quèst
pan pòss pan frèsc
induìna se l'è quèst

(Merci à Piero pour cettes paroles)