Et Letzte Jlas Lyrics

Alles Jeld, wat ich verdeen‘
jevv ich für Freud un‘ Fründe jän.
Un alles Leid, wo ich Schuld dran han,
fang ich nie met Absicht aan.
Ich bin janz einfach wie ich bin,
Ihr all litt mir em Sinn.
Wat ich jedon – un noch dun weed –
is, wo mi Hätz för schläät.

Kumm un drink mit mir et letzte Jlas,
mer hatte Freud – un Spaß!
Mer weiß doch, dat et heiß‘ – Hür op,
wenn et am Schönste es!
Kumm drink mit mir et letzte Jlas,
maach Dir die Kehle nass.
Die Naach es koot – dä Daach weed lang –
morje – fängk jet Neues aan!

Ich weiß! Ich weiß! Dä harte Kän,
dä jeiht nit immer jän.
Kann sin, dat mancher su lang waat
bis hä jet „klor jemaat“.
Su mancher kütt vielleich ze koot,
för ’ne andre löuf et jot.
Doch irjendwann es immer Schluß
un dann jeiht et noh Hus.

Kumm un drink mit mir et letzte Jlas,
mer hatte Freud – un Spaß!
Mer weiß doch, dat et heiß‘ – Hür op,
wenn et am Schönste es!
Kumm drink mit mir et letzte Jlas,
maach Dir die Kehle nass.
Die Naach es koot – dä Daach weed lang –
morje – fängk jet Neues aan!

Un irjendwann, wenn ich allein
ens einfach von Üch jon,
wenn ich beim Herrjott aanklopp un
vörm Himmelspötzje ston,
dann drink dat letzte Jlas op mich,
ich waade do op üch!

Kumm un drink mit mir et letzte Jlas,
mer hatte Freud – un Spaß!
Mer weiß doch, dat et heiß‘ – Hür op,
wenn et am Schönste es!
Kumm drink mit mir et letzte Jlas,
maach Dir die Kehle nass.
Die Naach es koot – dä Daach weed lang –
morje – fängk jet Neues aan!