Ewije Affhängerei Lyrics

Dä Stau vüür Trier woor nit enjeplant, klar, wer denk dann schon em Oktober ahn Schnie!? Dä letzte Day Off ess bahl nimieh wohr, die Bänd ess fäädisch wie nie. Lauwärme Pizza ess och nit die Welt, dä Soundcheck woor Quälerei. Dä Sänger`s heiser un dä Trommler verkällt un bess zur Show sinn et noch mindestens zwei Stunde nur Affhängerei, wie jeden Daach: Affhängerei, ewije Affhängerei, ich saach dir! Die Jarderob rüsch noh Schweiß un noh Bier, noh kahlem Rauch un ess ziemlich versyph. Zehndausend Bands hann de Wäng he verziert, Sprüch, die mer'p Tour nur bejrief. Noch en Tass Kaffee un en Koppingtablett, "Hätt einer'n Zeidung dobei?" Dä Pianist frööch dä Bassmann : "Wie spät?" "Veedel noh sibbe", säht dä "Jetz nur noch dreiveedelstund Affhängerei, wie jeden Daach: Affhängerei, ewije Affhängerei, oh Mann!" Dä Jittarist klimpert ir'ndjet en Moll, ir'ndwo blöhß einer 'e Saxophon enn. Dä Sänger fluch un frööch sich wat 'e he soll, ihm fählt noch immer sing Stemm, vermess sing Frau denk ahn singe Klein, die Tour's su joot wie vorbei. Nur noch en Woch dann ess'e doheim. Bloß, dann fählt ihm, dat ess jo dä Scheiß, die Bänd un die Affhängerei, die ätzende Affhängerei, die ewije Affhängerei, langwiehlije Affhängerei, die nervende Affhängerei