Fiil De Ferr Lyrics

Trenta töcch de fèrr per ligà la mia dignità
per saràla in una brenta e per fàla stravaccà
trenta oecc de pèss in carpiön, trenta cioo senza capèla,
trenta paröll che ho rubaa de'n libru per fàcch el fiil...
a la tua surèla...

Sun la scaja de vedru rutt de la tua ültima damigiana,
pifferaio sempru ciucch cun trii cobra in fila indiana,
sun rüvaa cun la biciclèta senza manübri e senza cadèna
sun rüvaa per fàtt capì che de sparàmm...
Vaar mea la pena...

I me sogn hann finii la benza, el mè coer l'ho faa in salmì,
la mia cuscienza la paar un quadru de Salvador Dalì...
sun't un sciàtt cun la dolcevita che i principess m'hann mai basaa
sun't un troj cun la pata vèrta e per un euro so foo pescà...

Trenta töcch de lamièra spèssa per giügà a picà deent el coo
trenta culpi de rivultèla per fa mea capì el mè nömm,
el mè pà l'era un urinari...la mia màmm 'na mitragliatriis
la mia barca la funda e sto soel fuund...cumè fa el butriis

Sun nassüü suta quèla pianta dove Giuda el s'è impicaa
gh'eren lè trenta denari e me quindess ghi hoo rubaa
ma i danee ghe serviven mea per pagàss el paradiis
sun turnaa suta la pianta e ho lassaa lè dumà i radiis...

Sun l'umbriia de quell'omm de merda che te voeret mea diventà,
sun quel tocch de paröla spurca che duperet per bestemà
ma de nocc quaand se calma l'unda te me vegneree a cercà...
i tò amis i te disen bàll...e noen Bastardi...la verità...

(Grazie a Andre BG per questo testo)