För dä Rusemondaach en Kölle Lyrics

Janz opjelös kütt dä Schäng noh Hus:
Frau do jläuvs et nit, wat ich dir jetz saach:
Weil unsre Chef noch mieh Ömsatz maache well,
eß Rusemondaach jetz Arbeitsdaach!
Schäng, do möt ihr jäj ean jon
ihr weed vun däm bloß usjenötz.
Sprech morje doch ens ding Kuleje drop an
un dann haut bei däm Kääl op dr Putz!

För dä Rusemondaach en Kölle
do jommer he all durch et Für.
Jo un wä uns dä Daach einfach fottnemme well,
dä setz mr et bess vör de Dür.

Am andere Morje dann en dr Kantin
beröt die Belegschaff die Saach.
Mr eß sich flöck einich, dat nimp mr nit hin,
mr wehrt sich, dat wör doch jelaach

Dä Schäng weed huh zom Chef jescheck
un sät däm och frei enet Jeseech:
Wen Sie dä Beschluß nit zorücknemme dun,
dann treffe mr uns vörm Jreech.

För dä Rusemondaach en Kölle
do jommer he all durch et Für.
Jo un wä uns dä Daach einfach fottnemme well,
dä setz mr et bess vör de Dür.

Ihr Arbeitslück, wä jitt üch dat Räch?
Saat, hat ihr dann noch nit jeleet,
dat wenn mr däm Chef widderspreche deit,
singe Arbeitsplatz riskeet!

För dä Rusemondaach en Kölle
do jommer he all durch et Für.
Jo un wä uns dä Daach einfach fottnemme well,
dä setz mr et bess vör de Dür.