He Deit Et Wih Lyrics

Wesst ihr noch, vür veezich Johr, met bläkke Fööss un lange Hoor. Mer wore beklopp, un immer joot drop, nur Musik, Mädche un Blödsinn em Kopp.
Un wat es hück?
He deit et wih un do deit es wih, alles wat schön es, dat darf mer nit mih. He deit et wih, un do deit et wih, alles wat jood deit, dat kammer nit mih.

Mer kannten kein Bandschief, kein Lever, kein Milz, mer hatte kein Angs vür nem Kölsch oder Pils. Mer kannte kein Niere, kein Jallestein, un höpten vun einem op et andere Bein.
Un wat es hück?
He deit et wih un do deit et wih, alles wat schön es, dat darf mer nit mih. He deit et wih, un do deit et wih, alles wat joot deit, dat kammer nit mih.

Mer broote kein Brill, mer kannte kein Jich, mer wore elastisch, et Jeheens dät sing Pflich. Et Föttche wor heiß un de Röggelche wärm, hück hammer statt Mädche en Wärmfläsch em Ärm.
Denn: He deit et wih un do deit et wih, alles wat schön es, dat darf mer nit mih. He deit et wih, un do deit et wih, alles wat joot deit, dat kamer nit mih.

Kein Hämche, kein Bierche, keine Schabau, kein Zarett, kein Botter, kein Blootwoosch leider alles zo fett. Bluthochdruck, Demenz un Cholesterin, mer fresse jede Morje en Kump Asperin. Denn:
He deit et wih un do deit et wih, alles wat schön es, dat darf mer nit mih. He deit es wih un do deit et wih, alles wat joot deit dat kammer nit mih.

He deit et wih, un do deit et wih, manchmol do meint mer, mer pack et nit mih. Loß mer ald fruh sin, denn deit d'r janix mih wih, dann es alles vorbei, denn dann simmer nit mih.

(Dank an Marlis Cohnen für den Text)