I Mechat So Gern Lyrics

So dunkl wars bis gestern Koa Sonn hot gscheint für mi Ganz langsam woit i scho aufgebn Weils oiwei stärka warn wia i Oh Mann, sie nemman da dei Freiheit Und irgendwann, irgendwann resignierst Und du werst stad, weilst woast, dass koana A Wort von dir kapiert Aba auf oamoi Mann, do werd da Himme blau Und du sigst do neba dir A bissl Lebn, du sigst wias laffa lernt Du spürst das friern Und ganz vorsichtig glangst hi dazua Und du woast, du werst ganz dringend werst du Braucht Und ganz egal, wia oft´s mi a do obe schlogn Für di steh i oiwei wieda steh i auf Und ganz egal, wia oft´s mi a do obe schlogn Für di steh i oiwei wieda steh i auf I mechat, I mecht so gern, dass de Sonn No a boor Stundn scheint für mi A boor Stundn blos, de i dir zuhörn konn Oh Mann, i hör di so gern redn Und i wünsch ma, dass i ganz zum Schluss No aufrecht vor dir steh Und dassd eana net ois glaubst Wos da späta moi erzähln werdn üba mi De Zeit werd knapp und auf amoi Konn ma da Dog net lang gnua sei Jetz gehts net blos um unsern Woid Jetz san a deine Baam dabei Und wenns wirklich blos um mi gang Dann wars ma wurscht ob´s Mittelmeer dafeit Aba es geht hoit net blos um mi I mecht mi späta mit dir no drüba gfrein I mecht di wachsn sehn und i wünsch ma Dass no wos übrig bleibt für di Und i mecht net, dass heit irgndoana Vögl frisst Er frisst deine Vögl frisst er mit Und selbst a Ratz und des werst von mir lerna Hot a Berechtigung zum Lebn Und wenn da Kichle glaubt, dass des net so is Dann is da Kichle gega di Und wenn da Kichle gega di is Dann muaß er wahnsinnig vorsichtig sei der Typ I mechat, I mecht so gern, dass de Sonn No a boor Stundn scheint für mi A boor Stundn blos, de i dir zuhörn konn Hey sog wos Mann, i hör di so gern redn Und i wünsch ma, dass i ganz zum Schluss No aufrecht vor dir steh Und dassd eana net ois glaubst Wos da späta moi erzähln werdn üba mi I woas, dass sinnlos is Wenn i eich do drobn erklär um wos ma geht Und wenn i ehrlich bin, dann is ma ziemlich Wurscht worn Ob mi von eich do drommat irgndwer versteht Ihr kennts mi eisperrn, kennts mi verhaftn Aba irgendwann werts kapiern Dass ma für eichre Kinda do heruntn mirschrein Weil ma net mechtn, dass wega eich krepiern Dass ma für eichre Kinda do heruntn mirschrein Weil ma net mechtn, dass wega eich krepiern I mechat, I mecht so gern, dass de Sonn No a boor Stundn scheint für mi A boor Stundn blos, de i dir zuhörn konn Oh Mann, i hör di so gern redn Und i wünsch ma, dass i ganz zum Schluss No aufrecht vor dir steh Und dassd eana net ois glaubst Wos da späta moi erzähln werdn üba mi Und dassd, und dassd eana net ois glaubst Wos da späta moi erzähln werdn üba mi