Jameiomeiomei Lyrics

Seit am guadn hoibn Johr mach i scho an Führerschein
Ohne Auto bist a Null und i möcht doch jemand sei
I fahr wia da Deife ja des is da reinste Spaß
Der Fahrlehrer schwitzt und i steig wieder voi auf´s Gas
Durch d´Prüfung saus i dreimoi durch - nur die Übung macht´s
Einparkn - Rückwärtsfahrn - und scho wieder kracht´s

Jameiomeiomei - uhuhwie
Jameiomeiomei - uhuhwie
Ja sowos is doch einfach wieder typisch für mi
Jameiomeiomei - I bin hoid a Genie

I wär so gern a Popstar ja des muaß i ausprobiern
I laß mi zwoamoi liftn und mei Nosn operiern
I ziag a Lurexhosn o und steck ma wos in Schritt
Ich sog eich liabe Leit des wird bestimmt a Riesnhit
I geh´ ins Plattnstudio und schau fantastisch aus
Doch singa konn i leider ned - i bring koan Ton ned raus

Jameiomeiomei - uhuhwie
Jameiomeiomei - uhuhwie
Ja sowos is doch einfach wieder typisch für mi
Jameiomeiomei - I bin hoid a Genie

I möcht so gern a Goldmedaille bei Olympia
Drum bau i mi a bisserl auf mit Anabolika
Mit Huastnsaft und pEhedrin hoit i mi topfit
Des bayerische Kraftpaket - ja do kommt koana mit
Auf die Plätze - fertig - los und i renn wia wuid
I wer´ sogar Sieger doch sie sogn, daß des ned guid

Jameiomeiomei - uhuhwie
Jameiomeiomei - uhuhwie
Ja sowos is doch einfach wieder typisch für mi
Jameiomeiomei - I bin hoid a Genie