Jung Und Verzwiflet Lyrics

S isch wider Sunntig Obig, ich tipp wider in min Laptop, miis Rotwiiglas isch voll zum mindeschtens zehnte Mol. S isch wider Vollmond und i wünscht i wer tot. I bin jung und verzwiflet und villicht warti scho so. Aber i kenne di ned, s isch kei Rettig in Sicht, i versinke ir Schrift und vergesse die Ziit, sitz ufem sinkende Schiff, i verabschide mi. Lös mi jede Obig uf im Traum und sterbe es bitz. S Lebe isch de Tod in Rate, ned meh und ned weniger, d Liebi isch warm durch aussen und wird au ned ehrlicher. S Finanzamt spilt Gott und d Natur gid de Rescht, fesslet mi anes Bett, mis Hirn macht, wases wett, spilt verruckt und das Bitz Hoffnig wo brennt. Wet warm und spende Troscht, wo isch Gott jetzt? Jung und verzwiflet und nume jede Tag älter, fühl mi wiene Fremdkörper i mir selber. I bin jung und verzwiflet, ha ned emol die Kraft zum sterbe, jung und verzwiflet, was söll nur us mer werde. I bin jung und verzwiflet, lueg zu Mond und Sterne, blib wach di ganz Nacht und schribe und trinke. Lauf dur d Strasse, mier isch kalt under de Jagge, gsehn Liechter verbiizüche mit sicher hundert Sache. Sicher bini nüm ganz bache, sicher voll uf Droge, sicher nüm bir Sach, han min Verstand scho lang verlore. Scho nachem erschte Zügnis gwüsst, dass mi was verarscht, lebe eure Scheiss nüm, i wüssti nid für was. I han gnueg lang eure geischtig Frass gfresse, mini Intelligenz isch emotional, wie wender das messe? Wett nur mis Lebe lebe, mini Wünsch wered bescheide, aber i weiss scho, das passt ned, i pass eu ned. Scheiss. Ha mi gnueg lang apasst und ghofft i wird glücklich. Ned würklich. Nimm die Flesche Wii und denn stürzi, stürzi ab wiene Flugzüg. I nimm d Abkürzig, heb mis Grab us hüt. Gsehn die Liechter zwüsche de Gleis uf mi zueko, de Zug isch da. Mann bini froh, Gott hed endlich zueglost. I bin jung und verzwiflet, ha ned emol die Kraft zum sterbe, jung und verzwiflet, was söll nur us mer werde. I bin jung und verzwiflet, lueg zu Mond und Sterne, blib wach di ganz Nacht und schribe und trinke. (3x)