Kum, Gema Ins Kino Lyrics

kum, gema ins kino, in de jugendmatinee do schbüds heit wieda an leiwaundn füm im zeichen der lilie und waun der depperte billeteur is, kreu ma untern gitter durch kum, gema ins kino, hau di in de schuach woat, schnö no a kautschi bei der zuckerlfrau de siecht scho schlecht, der drah i heut wieder schdod an schüh a zehnerl au heast, des vorprogramm rennt scho woat, i muaß no schnö aufs klo kauf koatn in da erstn reih weu hint is eh wos frei schau, do kummt de helli von der siebnerstiagn bei der tät i gern zuwefliagn owa leida geht si mitn fredl i waß ned wos de aun den findt na ehrlich, de is sicher blind sunst täts auf den ned steh bei den sein wossaschädl heast, da vorn, glatzerter, mach dde vielleicht no brader ziag a bissl in bluzer ei, weu sunst schbüds granada drah di ned um und red ned zruck weil ich dir sonst ane druck wauma scho so blad is is besser waun ma stad is schau, da jonny weißmüller, bitte gib da den heasd paß auf, jetzt sogt er gleich: ich tarzan - du tschän waun faungt denn endlich der hauptfüm au pfui, da spuckt ana vom balkon! du sau! kum ma unter d'händ, daun lochst ohne zänd! jo domois im kino woa i no sehr jung und de jugendmatinee is nur mehr erinnerung heut rennan dort nurmehr pornostrafn wo sie die nockerten zwa stund rafn des is zwo nix böses, owa meist wos ungustiöses