La Balilla Lyrics

Mi g'avevi una bella Balilla,
fuderata de pel d'anguila;
ve cunti la storia de cume l'e' andada,
in tri minut me l'han dislenguata.

Prima ve disi el meste' che fu mi',
inisi i des ur e finisi a mess di';
vendi la soda, lisciva e saun,
e de dane' ne fu su a muntun.

Giri la baia cul motofurgun,
cun la candegina, paieta e pantun;
fu una pignata de card de mila,
me salt'in del cu de cumpra' la Balilla.

Porto la machina sota la porta,
me graten subit la roda de scorta;
la sposti un cicin la porti in via Larga,
passa un quei d'un che me grata la targa.

Peu passen i tedesch tislifen tislofen,
van su la vetura me mangen el cofen;
ciami i ingles per casciai via,
me passen tuta la caruseria.

Passa un fiulin, bel, ma senza i dentin
el me disvida tutt i lampadin;
El me fradellastr quel mala' de dabiet,
el fa finta de nient e me mangia el magnete;

A visitam ven fora el dutur,
che el me mangia el radiatur,
per rispet alla sciensa ghe disi na'got,
e lu' per dispet porta via anca el cruscot.

Ma te disi mi' l'è roba de mat,
me par 'na Balilla de ciculatt.
A vu in questura per denuncia' i dann,
quan turni in dre' ghe' pu' i pedan.

El me' purtinar che porta i uciai,
el salta in vettura a mangiam i fanai;
e la so' mie' si' quela latrina,
la ma bevu' fora tuta la bensina.

Peu me ne cumbinen de tuti i culur,
a trovi pu' nanca un toc de mutur,
una bruta facia de delinquent,
el me mangia el tubo de scapament.

A Vu per caso a truva' la me' surela,
ghe trovi in ca' un pistun e una biella,
resta in terra tri tuchei,
passa e spasin porta via anca quei.

(Grazie a ermanno per questo testo)