Leever Jott Jev Uns Zick Lyrics

Leever Jott, jevv uns Zick, für uns läuf e Johr vill zo flöck
ding himmliche Uhr, die läuf stur immer wigger.
Jrad noch Silvester jefiert, ze Ostern e Ei bunt lackiert,
et Föttche verbrannt em Sand, schon steit et Christkind vür d‘r Dür.

Leever Jott, jevv uns Zick, für uns läuf &Mac226;ne Mond vill zo flöck,
ding himmlische Uhr, die läuf stur immer wigger.
Ald widder de Meet avjebuch, un üvver d‘r Vollmond jefluch
un janz rejelmäßig kütt Tant Rosa widder zo Besuch.

Zick es Jeld, doch Zick kann mer nit kaufe
un se läuf wie Sand uns durch de Häng.

Leever Jott, jevv uns Zick, für uns läuf ne Dach vill zo flöck
ding himmlische Uhr, die läuf stur immer wigger.
Schon morjens em Stau, jot en Stund, em Büro vür‘m PC, dat mät wund,
un dann flöck noch jet esse bei d‘r Tagesschau, dat hält jesund.

Leever Jott, jevv uns Zick, für uns läuf en Stund vill zo flöck,
ding himmlische Uhr, die läuf stur immer wigger.
E Stündche em Net römjesurf, ens jeluurt, wat em Chat all su läuf,
em Bett noch ens römjedrieht, bevür de Arbeit dich dann röf.

Zick es Jeld, doch Zick kann mer nit kaufe,
un se läuf wie Sand uns durch de Häng.

Leever Jott, jevv uns Zick, uns läuf en Minut vill zo flöck
ding himmliche Uhr, die läuf stur immer wigger.
Last minute noch en de Türkei, jepennt: und steinhatt es dat Ei
un küss do em Bett die ein Minut zo fröh, es et zo spät.

Leever Jott, jevv uns Zick, uns läuf en Sekund vill zo flöck.
Ding himmlische Uhr, die läuf stur immer wigger.
Ne Augebleck nit jeluurt un et knallt,
dann sühste &Mac226;n do ston en Jestalt
dat es die Sekund vun der mer sät, se duurt en Iewichkeit.