Mer Han Alles Em Griff Lyrics

Des Sonndaachsmorjens jäje elf lät der Dampfer af, En Stammdeschfaht steiht om Projramm der Rhing erop un eraf Als eehts weed die jroße Thek met Beschlach belat Beim Kölsch vum Faaß un kölsche Tön do kütt mer flöck en Faht ne staatse Damenkäjelklub met Luffschlage bekränz es met an Bord, se han hück frei vun Spöl, Mann un Pänz Dat dun se öntlich fiere et waggelt nit bloß der Kahn se raafe sich e paar Käls un fange zu trellere an Mir han alles, alles em Jreff uns kann keiner, uns kann keiner sujett wie ons jitt op keinem Scheff mir han alles, alles em Jreff Des Sonndaachmeddags jäje zwei mem Kotelett en dr Hand weed jeschunkelt un jesunge ußer Rand un Band dr Käpten kütt vum Nickerche zoröck op de Bröck en Käjelschwester steiht am Stür un röf janz entzöck: Mir han alles, alles em Jreff uns kann keiner, uns kann keiner sujett wie ons jitt op keinem Scheff mir han alles, alles em Jreff Des Sonndaachsovends jäje sechs mr föhlt sich nit mih fresch Üvver dr Reeling hänge veezich Mann un-- födere de Fesch Dr Klofrau stingk et fürchterlich se wirf de Lück erus Un en Käjelschwester süff noch flöck de letzte Stöözjer us Mir han alles, alles em Jreff uns kann keiner, uns kann keiner sujett wie ons jitt op keinem Scheff mir han alles, alles em Jreff De Domtürm röcke nöher Mensch wor dat en schöne Faht zom Abschluß weed de Aldstadt jetz noch unsecher jemaat un och dr Damenkejelclub der schwank zoröck an Land doch do ston ald ehr Männer un die nemmen se bei dr Hand Mir han alles, alles em Jreff uns kann keiner, uns kann keiner sujett wie ons jitt op keinem Scheff mir han alles, alles em Jreff Mir han alles, alles em Jreff uns kann keiner, uns kann keiner sujett wie ons jitt op keinem Scheff mir han alles, alles em Jreff Mer han alles, alles em Jreff