Minge Broder Un Ich Lyrics

Minge Broder wor von klein an schlau
Un usserdem en linke Katz
Hä hat och nie e schläch Jewesse
Un su of wie et jing mich eren jeresse
Hä wor evvens su un kunnt nit dofür
Nur ich kräht die Prüjel un moht vür de Dür

Minge Broder un ich
Mir han jot metjemisch
Janz ejal wat och wor
Immer wore mer do
Un wä han se erwisch
Immer nur mich

Jov et fröher irjendwo ens Strick
Wor minge Broder bestemp nit wick
Hä stunt en d’r Eck un kohm nit mih weg
Et woren zo vill, et hatt keine Zweck
Ich wollt ihm jrad helfe, do saht minge Klein
Du schaffs dat allein, ich ben ald ens heim

Minge Broder un ich
Mir han jot metjemisch
Janz ejal wat och wor
Immer wore mer do
Un wä han se erwisch
Immer nur mich

Bei Fraulück hatt minge Broder Jeschick
Noh einer Woch wooten se spätstens - jebösch
Ich moht se dann tröste, wat sollt ich söns dun
Un irjendwann kohm die Rechnung dovun
Jetz zahl ich zick Johre schon Alimente
Minge Broder löt jröße us Übersee

Minge Broder un ich
Mir han jot metjemisch
Janz ejal wat och wor
Immer wore mer do
Un wä han se erwisch
Immer nur mich

Minge Broder un ich
Mir han jot metjemisch
Janz ejal wat och wor
Immer wore mer do
Un wä han se erwisch
Immer nur mich