Mittlerweile Josephine Lyrics

Jraad noch als Prinzessin,
Pippi Langstrumpf oder Fee,
Cowgirl met`ner Zahnspang,
ihßekahle Fööß em Schnee.
Oma`s Sommersprosse
un jelispelt hässte och.
Ding Phantasie maht Övverstunde
un jing öfters mit dir durch.

Schlaachfäädisch un rotzfresch,
miehstens Schramme ahn de Knee.
Irjendjet woor immer,
langweilisch wood et nie.
Op ding jrooße Schwester
hässte notfalls opjepass.
Ihr wohrt wie Pesch un Schwefel,
vun verdräump bess opjekratz.

Josie, sorry mittlerweile Josephine,
längs en wunderschöne Frau.
Kind der Liebe, dat weiss ich janz jenau.
Josie, mittlerweile Josephine.

Mittlerweile weisste selvs
wo`t langjeht un wenn nit,
kei`Problem, Mama
kennt su ziemlich jede Trick.
Un für alle Fälle,
selvsverständlich, stonn ich prat,
falls ens Nuht ahm Mann sinn sollt,
roof: „Papa!“... ich benn do.

Josie, sorry mittlerweile Josephine,
längs en wunderschöne Frau.
Kind der Liebe, dat weiss ich janz jenau.
Josie, mittlerweile Josephine.

Ich weiß nit, ob ich immer dä woor,
dä du dir jewünsch.
Vüür lauter Rock`n Roll zo vill verpass.
Jetz stehste`p eijene Fööß
un ich benn stolz op dich,
Josephine, kleine Spatz.

Josie, sorry mittlerweile Josephine,
längs en wunderschöne Frau.
Kind der Liebe, dat weiss ich janz jenau.
Josie, mittlerweile Josephine.

Josie, sorry mittlerweile Josephine
mittlerweile Josephine.