Nemmt Mich Met Lyrics

`Ne Haufe bunter Wage
fuhr jestern durch unser Stroß
op d`r Maat un mat du halt,
medden vör d`r Poß.
Ich jing direk ens lore,
wat et do nit alles jov,
Elefante, Eselche und dressierte Schof.
E Zelt wood opjeschlage,
dat jing em Rubbedidup,
e paar Mark fählten für en Kaat,
d`r Opa lat se drop.
Un als d`r Chef vum Janze
sich zeich em schwatze Frack,
jo do hatt mich die Zirkusluff
irjendwie jepack.
REFRAIN
Un ich sat nemmt mich met,
nur e janz klei Stöck,
ich kann Seilchenspringe, Jummitwis,
Flic Flac un Spajat.
Nemmt mich met op die Reis,
denn ich wör et leevs.
statt iwich en de Schull ze jon
`ne Zirkusakrobat.
Kaum dat de Schull am Eng wor
hinge mir an d`r Manech,
braten Foder für die Päd,
für d`r Bär e Stöckche Fleisch,
die Clowns un die Jongleure
zeichten uns ihr beste Tricks,
doch kapeet hät keiner jet,
dat jing uns vill ze flöck.
REFRAIN
Ich hatt am nächste Morje
ming Spardos enjepack
schlech mich heimlich us dem Huus,
d`r Koffer huckepack,
doch wor ich vill ze spät dran,
keine Zirkus wick un breit,
e paar Trönche kome mir,
ich dät me selver leid.
REFRAIN

(Dank an rrrener für den Text)