R.I.P. Lyrics

Womit hesch du das verdient? Grad ebe no z?Grab treit, blyybe vo dine Verdienscht nur zwei Date uf em Grabstei. Für e Läbe lang Arbeit fascht scho schändlich. Prägt vo Missverständnis, begrifft niemer dass es z?Änd isch. Du bisch einsam gange, drbyy hett?s anders aagfange, nur um dich z?erläbe sind früehner Masse aagstande. Scho in dr Wartschlange zitternd vor Erregig, gfesslet vor Magie, denn das Gfühl vermittled nur wenig. Jetzt bisch du selig und in mim Härze für ewig, doch ych gspühr dich no, als ob du mit mir redisch. Z?oft überleg ych, was ych gseit hätt am Stärbebett, aber ehrlich über di Erb z?rede hätt mi z?schwär bewegt. Wil es wär nid s?Bescht, wenn ych so in dini Seel blick, dir z?sage wie steiblööd s?Erb vo sommene Juwel isch. Cuts: Rest in peace. Uf en Art bin-y froh, dass dir das erspart blyybt. All die Parties die ganz Zyt, e riese Verarschig. Talänt wo brach lytt, so präsentiert sich di Nachlass. Regiert vo Habgier, farblos und aapasst. Jede macht was ihm eifache Erfolg versichret, doch dä vergiftet und isch es wo eim si Stolz vernichtet. S?wimmlet vo Aasgeier wo eim umkreise und aapeile, dich erscht zum Star hype und nochhär z?Grab treie. Niene me Aazeiche vo dine Errungeschafte. Schyyns blyybt nütt bsunders hafte, usser e dunkle Schatte. Wil wo d?Sunne d?Macht het, blyybsch du unbeachtet. Ych frog was all die hundert Affe sich eigentlich dänke: Ein uf Wunderkind mache, ihr Härz dr Peinlichkeit pfände, ohni sich bewusst z?syy, wesse Leiche sie schände? Cuts: Rest in peace. Ych find?s scho ironisch, dass jede wo uf dim Thron sitzt duet als ob är di Sohn sig, doch das isch froglich. Alles nur Styyfkinder und verkappti Erbschlyycher, wo massiv stinke und us Habgier verkehrts tryybe. Doch es herrscht Schwyyge, in dr Hoffnig s?merkt niemer, dass dir nur en Abklatsch sind vo dr Heads früehner. Die hän no derb gwüetet, mit Muet und Pioniergeischt, sich nid nur spezialisiert, uf dä Imponierscheiss. Doch zum Glück git?s Idealiste, wo dis überläbe sichre, für dich in Schmärze pilgre, als wäre?s Christe. Üb?re Wäg voll Distle, mir jääse Penner. Mit em einzige Wüsse: Totglaubti läbe länger. Ych weiss immer nonig, wie ych dir danke soll: Rest in peace und uf e ander mol.