Schnaps Hilft Lyrics

Schnaps hilft Schnaps hilft! Grüezi, dörf i vorschtelle, min Name: Schnaps. Ich hilf dir wänn du meinsch, dis Läbe seg für d Chatz. Chumm, mir mached Duzis, ich bin de Cachaça, de Herzschlag und d Seel vom Caipirinha! Am beschte nimmsch mi pur, Baby. I like it raw! Nur wäg de komische Limone chasch du morn nüme uufschtah. Du seisch: Hey Schnaps, hör uuf, bisch weich? Du hilfsch gar niemertem, verzell kei Seich! Nei, ich bi nöd weich, sondern härt, 40%. Ich hilfe nume däne, wo?s würklich wänd. Wer hätt?s ernscht gno? Ich mach doch nur Witzli. Aber ehrlich xeit, Schnaps hilft ebe scho bitzli. Bisch am Morge scho am Zittere, nimm schnäll en Schluck! Wirsch xee, machsch eidüütig de besser Iidruck. Aber pass uuf, Bueb! Du machsch mer Chummer, wänn ich no uf em Tisch schtah, liisch du drunder. Ich weiss zwar nöd viel aber eis weiss i sicher: Ich bin was i bin, han verschiedeni Gsichter. Schriibe Gschichte die sind mängisch peinlich. S git au feini, gheimi, geili und gemeini. Jede kännt irgend eini, oder au mehreri. Bin zwar nöd heilig, aber gwüssi verehred mi. Ich bin bekannt im In- und Usland. Bin de Grund wieso de Radio mängisch Schtuss lallt. Ich glaub das muess halt eso sii. Ich bin debii a jedere Fiir. I jedem Hushalt, wänn?d gnueg guet luegsch. Quer durch?s Band wirsch mi finde, wänn?d mi suechsch. Ich bin Fründ, ich bin Find, mache wild und blind. Mängisch gaat?s ganz gschwind und ich schtiig der in Grind. Muesch verschtaa, junge Maa es chunnt uf?s Mass druff a und wänn?d keis Mass chasch ha, nimmsch en Schtiefel, fo? shizzle! Schnaps hilft! Lueg mi aa! Parat schtahn i da. Würsch zwar gschieder gaa, chasch mer nöd wiederschtah. Ich weiss, ich mach di aa. Gäll, ich lach dich aa? Hei, lah di la gah, chasch mi ja ha! Wieviel Schtund hämmer scho zäme verbracht? Ohni Grund zäme duregmacht? Händ tanzt und glacht die ganzi Nacht, ich han dini Lippe a mir gschpührt, ganz sacht. Jaja, so wiit simmer scho! Es isch ä no viel schlimmer cho, dänn du häsch mich uf dis Zimmer gno. Hetsch nöd z?vill gha vo mir, wär i det immer no. Drum tu mich wieder zu der näh. Mit mir isch?s Läbe numä halb so schwer. Fühlsch di nie allei und fühlsch di nöd leer. Chasch mi ja dänn wieder vo der gäh! Und mit em volle Schluck mach i erscht rächt Druck. D Schpiiseröhre rutsch i abe wie?ne Fluet. Und wänn du merksch wie?s brännt und im Mage tuet, dänn tuen i mi entfalte, ja, dänn gaat?s mir guet. Hey Magesüüri, immer glatt dich z?xee! Ich weiss, d?Läbere hasst mi immer me. Fange lieber aa, mich bald z?zersetze. Ich dörf de da obe hüt z Aabig nöd versetze. Weisch, er isch nervös, hätt es Date und so. Dänn isch de Schnaps da für de Fründ in Not. Und im Magedarmtrakt chum i i dis Bluet, mach di locker und gib der Muet. Blickfäld verängt ? Libido gschprängt. Deschtilliert wird i härt konsumiert. D Prohibition han i guet überläbt und wänn i zruggtänk mängi Läbere verchläbt. Schnaps hilft!