Sirtaki Lyrics

Ovends no der Arbeit
Wenn de Sonn am Himmel steit
Süht mer op de Strosse
Lück die han ihr Jeld verdeent.

Alles es versammelt
Vör der Dür ston Stöhl un Desch
Schnäuzer sin am schwade
Un et rüch no Öl un Fesch.

Einer hät en Zeidung
Us der Heimat un lies für
Drinke dun se Rutwing
Usser einer dä drink Bier

Costa spellt Bouzouki
An der Quetsch do spellt der Hein
Mikis danz Sirtaki
Jeder föhlt sich wie doheim.

Langsam wed et düster
Un de Jläser die sin leer
Eimol muß mer heim jon
Morje wed et widder schwer.


(Dank an Helmut Giesen für den Text)