Sonny's Lettah (Anti-Sus Poem) Lyrics

(Sus = abbr. for suspicious behaviour)Brixton PrisonJebb Avenue,London, S.W.2.England.Dear Mama,Good day.I hope dat whendeze few lines reach you,they may find you in di bes' af helt'.Mama,I really doan know how fi tell you dis,cause I did mek a salem pramis'fi tek care a lickle Jiman' try mi bes' fi look out fi him.Mama,Ah really did mi bes',but none-di-les,mi sarry fi tell you sehpoor lickle Jim get arres'.It woz di miggle a di rush hour howahwhen everybady jus' a hu'sle an' bus'lefi go home dem evenin' showah;mi an' Jim jus' stan-upwaitin' pan a bus,nat causin' no fus',when all an a suddena police van pull-up.Out jump t'ree policemandi' hole a dem carryin' batan.Dem walk straight up to mi an' Jim.One a dem hol' an to Jimseh him tekin' him in;Jim tell him fi let goh a himfar him noh dhu not'n,an' him naw tief, nat evn a but'n'.Jim start to wriggle.Di police start to giggle.Mama,mek Ah tell you whey dem dhu to Jim;Mama,mek Ah tell you whey dem dhu to him:dem t'ump him in him bellyan' it turn to jellydem lick him pan him backan' him rib gat papdem lick him pan him he'dbut it tuff like le'ddem kick him in the seedan' it started to bleed.Mama, AhAh jus' could'n' stan'-up dehan' noh dhu not'n'.Soh mi jook one in him eyean' him started to cry;mi t'ump one in him mout'an' him started to shout;mi kick one pan him shinan' him started to spin,mi t'ump him pan him chinan him drap pan a binan' crashan' de'd.Mama,more policeman come dungan' beat mi to di grung;dem charge Jim fi susdem charge me fi murdah.Mama,doan fret,doan get dpres'an' doun-hearted.Be af good couragetill I hear fram youI remain,your son,Sonny.