Tierlied Lyrics

Hey Leid des Liad des i jetzt sing, sing i für Tiere Für a bar große Viecher in unsam Land Und weil de bor ganz genau wissen wos des Voik wui Ändert sich in nächster Zeit so allerhand Mia ham jetzt des wos jeder zwoade von uns woin hod A bar große Männer de`s verstän Das` eana Mei aufmachan und du heasd as reden Aber wos` des weasd du nia versteh Sie reden olle bloß von Freiheit und von Zukunft Und wissen ganz genau das` sowos nimma gibt Do wead uns gsogd mia soin sparn und Steiern zoin Und von dem Geid wead dann d Raketen stationiert Sie gem uns Nahrungsmittel de total vergift san Von am Schluck Wasser hosd drei Wochen d Scheißerei Und demonstrian ma für a bissal mehra Frieden Dann wean ma niedergnippelt von da Polizei Sie hengan Schuidln auf wosd lesen konsd Naturschutz Dann sigsd a Baustei bloß Natur is koane do Sie baun uns Wohnungen de koana mehr dazoin kon De Obdachlosen wean mehr von Johr zu Johr Du griagsd a Prämie vom Staat wennst heid a Kind machst Dabei gibds äh scho gnua de koane Eidan ham Sie ham versprocha das wos doan gegas Robbenschlachten Und liang uns wieder o vor da nächsten Wahl Mia kenan olle richtig stoiz auf unser Land sei Wo`s no so große Denker gibt wia Strauß und Kohl I heb mei Glasl auf de zwoa und dauf ma de Birn voi Und trink drauf das` a boid da Deife huid Es is no lang ned gsogd das oana der koan Hois hod Stotdem a bissl mahra Rückrad zoagd Aber de gräßten Schleimer und de Gräßten Griacha Hams bis jetzt oiwei zu wos brochd bei uns im Staat