U Bene E Le Parole Lyrics

A ninna-ninna e la ninna-ninnella

Amorusellu de la mammarella.


Dorma ninnillu miu dorma e riposa

Cumu allu munnu riposa ogni cosa.


Dorma ninnillu miu dorma ch'è l'ura

li guai toi riposanu a chist'ura.


Dorma ninnillu miu dorma ch'è l'ura

li guai toi riposano a chist'ura.


Dorma ninnillu miu dorma allu sinu

duve s'addormentau nostru bumminu.


A ninna-ninna e la ninna-nonna

chi bene te pò fare la madonna.


E la madonna mu de cca è passata

E de ninnillu miu m'ha addummannatu.


Ed ella addummannau ed eu dicennu

l'haju 'a lle vrazze chi me sta dormennu.


E tu madonna mia chi mi l'ha datu

fammillu stare bonu e mai malatu.


Oh sonnu-sonnu veni e' nun tardare

ca l'ura è tarda ed ha de ripusare.


A ninna bellu miu te canta mamma

chilla chi de lu bene nun te 'nganna.


'U bene de la mamma è tuttu core

ca chillu de li genti è su parole.

(Grazie a Luigi Pascuzzo per questo testo)