Uno Doje E Tre Lyrics

Arrivajeno dall'Oriente,
facce scure cu 'e turbante,
senza Cristo e senza sante
mante d'oro e spade 'e argiento.
Po' venettero 'e Spagnuole
s'annammurajeno 'e stu sole,
miserere pater e gloria
e cagnajeno tutt''a storia.
'E purtajemo 'mparaviso
quanno passajeno 'e Francise,
liberté, egalité
tout le monde il faut changer...
Dint''e terre e p''e campagne,
viva 'o re, viva la Spagna,
statte zitta Carmagnola
cchiù nisciuno se cunzola...
Uno doje e tre
vott' 'o tuocco e jesce a te,
ce sta sempe chi se fotte
e tutt''a vita resta sotto...
E scennette 'o Piemontese
stettemo bbuono 'nu mese
ma 'stu sole fa paura
pe' chi campa dint''o scuro.
So' sbarcate 'e 'mericane
ce hammo dato 'o core 'mmano
cu shoe-shine e ciucculata
'nce hanno bbuono arravugliato...
Quanta dollare 'ngiallute
quanto ammore hammo vennuto
'nu criaturo è nato niro
e sta mamma 'o chiamma Ciro...
Uno doje e tre
vott' 'o tuocco e jesce a te,
ce sta sempe chi se fotte
e tutt''a vita resta sotto...

Uno doje tre, uno doje...(parlato)
pa' tè pa' tè... juoca!