À Tè Pratendu Lyrics

Dimmila tù, omu di a tarra,
Tù radica annudata dimmila,
U farru di a sottumissioni
Chì pesa in coddu à tè.
Tù chì hai campatu
Forti, com'è una petra bianca
Povaru com'è povara hè a miseria,
Mutu com'è u povaru hè mutu
Ma Corsu com'è u Corsu ùn hè più.

Dimmila tù, omu di a tarra
Causa di a me lotta, dimmila
U farru di a sottumissioni
Chì pesa in coddu à tè,
À tè pratendu,
Forti com'è una petra bianca
Povaru Nò ! Morghi oghji a miseria,
Mutu, più, oghji parlu pà tè
Corsu, si !
Com'è Corsu ùn hè più
Iè, libaru, quant'eddu si pò essa